Os na allwch fforddio eich ad-daliadau budd-dal, efallai oherwydd newid i’ch amgylchiadau, mae’n bwysig gweithredu. Darganfyddwch beth i'w wneud os ydych yn ei chael hi'n anodd ad-dalu dyled budd-dal.
Os mai dyma'ch unig ddyled
Os yw'ch incwm yn y dyfodol yn ansicr ac nad oes gennych ddigon i fyw arno oherwydd yr ad-daliadau, gallwch ofyn iddynt gael eu lleihau.
Os ydych chi'n ad-dalu taliad ymlaen llaw Credyd Cynhwysol, ffoniwch y Llinell Gymorth Credyd Cynhwysol neu mewngofnodwch i'ch cyfrif ar-lein ac ychwanegwch nodyn i'ch dyddlyfr yn gofyn i'ch ad-daliadau gael eu lleihau. Mewn rhai amgylchiadau gall yr ad-daliadau gael eu gohirio hefyd.
Os ydych chi'n ad-dalu taliad ymlaen llaw Credyd Cynhwysol
Ffoniwch y Llinell Gymorth Credyd Cynhwysol neu mewngofnodwch i'ch cyfrif ar-lein ac ychwanegwch nodyn i'ch dyddlyfr yn gofyn i'ch ad-daliadau gael eu lleihau. Mewn rhai amgylchiadau gall yr ad-daliadau gael eu gohirio hefyd.
Rhowch wybod am newidiadau neu cysylltwch â llinell gymorth Credyd Cynhwysol os ydych yn meddwl eich bod wedi cael eich gordalu (yng Nghymru, Lloegr a'r Alban).
Ffôn: 0800 328 1744Yn agor mewn ffenestr newydd
Ffôn testun: 0800 328 1344Yn agor mewn ffenestr newydd
8am i 6pm, dydd Llun i ddydd Gwener.
Neu mewngofnodwch i’ch cyfrif ar-lein ar wefan GOV.UKYn agor mewn ffenestr newydd ac ychwanegu nodyn i’ch dyddlyfr.
Os ydych yng Ngogledd Iwerddon
Ffôn: 0800 012 1331
Ffôn Testun: 0800 012 1441
9am i 4pm, dydd Llun i ddydd Gwener
Os ydych chi'n ad-dalu unrhyw ddyled budd-dal neu gredyd treth arall
Cysylltwch â chanolfan gyswllt Rheoli Dyled yr Adran Gwaith a Phensiynau (DWP).
I wneud ad-daliad, cysylltwch â chanolfan gyswllt Rheoli Dyledion yr DWP:
Cysylltwch â'r tîm Rheoli Dyledion am fwy o wybodaeth am yr hyn maen nhw'n ei wneudYn agor mewn ffenestr newydd a sut y gallant helpu.
Os ydych chi'n byw yng Ngogledd Iwerddon, cysylltwch â'r Gwasanaeth Rheoli Dyledion yr Adran CymunedauYn agor mewn ffenestr newydd
Os oes gennych ddyledion eraill
Mae dyled budd-dal yn cael ei ystyried fel dyled â blaenoriaeth. Mae hyn yn golygu y gall canlyniadau peidio â’i dalu fod yn fwy difrifol nag eraill. Mae dyledion blaenoriaeth eraill yn cynnwys ôl-ddyledion rhent a morgais, biliau ynni hwyr a biliau Treth Gyngor a THrwydded Teledu heb eu talu.
Os ydych chi wedi colli mwy nag un taliad neu os ydych chi'n jyglo dyledion eraill, mae'n bwysig eu talu yn y drefn iawn gan fod rhai yn bwysicach ac mae gan rai credydwyr fwy o rym nag eraill.
Darllenwch am Sut i flaenoriaethu'ch dyledion i ddarganfod pa ddyledion i ddelio â nhw yn gyntaf.
Ydych chi wedi methu taliad?
Defnyddiwch ein Teclyn Lleolwr cyngor ar ddyledion i ddod o hyd i gyngor ar ddyledion diduedd ac am ddim ar-lein, dros y ffon neu yn agos at le rydych yn byw.
Sut i herio penderfyniad gordaliad
Os dywedwyd wrthych am ordaliad newydd nad ydych yn cytuno ag ef, efallai y gallwch ofyn am edrych ar y penderfyniad eto ac apelio yn ei erbyn.
Darganfyddwch sut i herio penderfyniad budd-daliadauYn agor mewn ffenestr newydd ar wefan Cyngor ar Bopeth.
Darganfyddwch fwy am ad-dalu budd-daliadau yn ein canllaw Ble alla i gael help a chyngor am fudd-daliadau?
Cefnogaeth ychwanegol os ydych chi'n cael trafferthion ariannol a gyda'ch lles meddyliol
Gallai cael materion iechyd meddwl olygu eich bod yn cael trafferth gwneud y penderfyniadau gorau yn seiliedig ar arian i chi, yn ogystal â gweithredu arnynt
Cael help
Os ydych yn teimlo'n isel iawn neu'n hunanladdol oherwydd eich pryderon ariannol, mae angen i chi siarad â rhywun nawr. Ffoniwch 999Yn agor mewn ffenestr newydd os ydych mewn perygl uniongyrchol neu ffoniwch y Samariaid ar 116 123Yn agor mewn ffenestr newydd.
Darganfyddwch awgrymiadau ymarferol ar sut i reoli'n ariannol a ble i gael cymorth arbenigol am ddim yn ein canllaw Problemau arian a lles meddyliol
Cofiwch, os ydych chi'n cael trafferthion ariannol a gyda'ch lles meddyliol, mae'n werth cysylltu â'ch banc, cymdeithas adeiladu, benthyciwr neu bwy bynnag sydd gennych arian yn ddyledus iddynt, i drafod eich opsiynau.
Fodd bynnag, yn aml mae'n haws dweud na gwneud wrth sôn am godi'r ffôn a siarad am eich problemau pan rydych chi'n cael trafferth gyda'ch iechyd meddwl
I gael awgrymiadau ymarferol ar sut y gallwch siarad â'r rhai y mae arnoch arian iddynt, edrychwch ar ein canllaw Sut i gael sgwrs am arian
Mae gan y rhan fwyaf o leoedd sydd arnoch chi arian iddynt bolisïau ynglŷn â'ch cefnogi os ydych chi'n agored i niwed. Ond ni allant eich helpu oni bai eich bod yn gofyn.
