Ydych chi ar fin cychwyn ar y daith ysgariad neu ddiddymiad, neu hanner ffordd trwy'r broses? Yna gall ein gwasanaeth apwyntiadau pwrpasol eich helpu gyda beth mae hyn yn ei olygu i chi a'ch pensiwn.
Beth sydd yn y canllaw hwn
Gall y broses ysgaru/diddymu fod yn gymhleth, yn anodd yn emosiynol ac yn straen i bawb sy'n gysylltiedig. Gall fod yn arbennig o anodd os oes nifer o feysydd y mae anghydfod yn eu cylch, fel:
- gwarchodaeth plant
- ymrwymiadau ariannol presennol
- dosbarthiad eiddo ac asedau a rennir.
Gall cael arweiniad diduedd ac annibynnol gennym wneud y broses yn llawer haws i'w rheoli, yn emosiynol ac yn ymarferol.
Mae ein gwasanaeth yn rhoi cyfle i chi drafod eich sefyllfa gydag un o'n harbenigwyr pensiwn. Byddant yn eich helpu i'ch tywys trwy'ch opsiynau.
Sut wyf yn trefnu apwyntiad?
Gallwch trefnu eich apwyntiad cyn ysgariad/diddymiad trwy e-bostio [email protected]
Wrth e-bostio, rhowch eich enw a'ch cyfeiriad e-bost cyswllt, fel y gallwn gysylltu â chi i drefnu apwyntiad.
Ein nod yw cysylltu â chi o fewn pum diwrnod gwaith. Os na chewch e-bost cadarnhau, mae'n werth gwirio eich ffolder post sbam neu junk.
Beth fydd yr apwyntiad yn ei gwmpasu?
Bydd yr apwyntiad yn ymdrin ac yn esbonio’r:
- opsiynau pensiwn sydd ar gael i chi yn ystod ysgariad/diddymiad
- hyn y bydd angen i chi feddwl amdano a'r pethau y bydd angen i chi eu gofyn
- camau nesaf, gan gyfeirio at sefydliadau defnyddiol a sut i gael gafael ar gyngor ariannol rheoledig, pe bai ei angen arnoch.
