Sut i wneud cais am fudd-daliadau neu Bensiwn y Wladwriaeth heb gyfrif banc

Cyfrif banc (a elwir hefyd yn gyfrif cyfredol) yw'r ffordd hawsaf i gael mynediad at eich taliadau. Mae'n gadael i chi:

• dderbyn taliadau, fel cyflog, budd-daliadau a phensiwn
• talu am bethau neu gymryd arian parod gyda cherdyn debyd
• trosglwyddo arian i dalu biliau neu bobl eraill
• rheoli eich cyfrif drwy fancio symudol ac ar-lein, ac, mewn llawer o achosion, dros y ffôn, mewn cangen neu yn Swyddfa’r Post.

Mae yna lawer o opsiynau, gan gynnwys cyfrifon sy'n derbyn y rhai sydd â hanes credyd gwael.

Gweler Sut i agor cyfrif banc am ragor o wybodaeth a'r ID y bydd ei angen arnoch. 

Os na allwch gael cyfrif banc, gallwch gasglu eich budd-dal neu daliad Pensiwn y Wladwriaeth mewn arian parod drwy ymweld â Swyddfa’r Post neu safle PayPoint (a geir yn aml mewn siop gornel).

I wneud hyn, byddwch yn cael naill ai:

• cerdyn talu, neu
• cod taleb trwy neges destun neu e-bost.

Dangoswch hwn wrth y cownter gyda math o ID i gael yr arian. Mae gennych 90 diwrnod i wneud hyn cyn iddo ddod i ben.

Dewch o hyd i'ch Swyddfa'r Post agosafYn agor mewn ffenestr newydd neu safle PayPoint leolYn agor mewn ffenestr newydd

I gael mwy o wybodaeth, gan gynnwys yr ID y bydd ei angen arnoch a sut y gall rhywun arall gasglu ar eich rhan, gweler GOV.UKYn agor mewn ffenestr newydd

Os oes gennych broblem, fel colli eich cerdyn neu daleb:

• ffoniwch linell gymorth y Gwasanaeth Eithrio Talu ar 0800 015 2902

Efallai y byddwch chi'n dod o hyd i'r ateb yn y rhestr hon o Gwestiynau CyffredinYn agor mewn ffenestr newydd