Mae'r Gronfa Diogelu Pensiwn (PPF) yn diogelu pobl sydd â phensiwn buddion wedi’u diffinio pan ddaw cyflogwr yn fethdalwr. Os nad oes gan y cyflogwr ddigon o arian i dalu'r pensiwn a addawyd i chi, bydd y PPF yn darparu iawndal yn lle.
Beth fydd yn digwydd os bydd cyflogwr eich cynllun yn mynd yn fethdalwr?
Gelwir cynlluniau buddion wedi’u diffinio hefyd yn bensiynau cyflog terfynol a phensiynau cyfartaledd gyrfa.
Pan fydd cyflogwr sydd â chynllun pensiwn buddion wedi’u diffinio yn mynd yn fethdalwr, bydd y PPF yn asesu'r cynllun i weld a yw aelodau'n gymwys i gael iawndal. Gelwir hyn yn ‘gyfnod asesu’.
Mae’r PPF yn anelu at gwblhau asesiad ar gyfer y mwyafrif o gynlluniau o fewn dwy flynedd. Yn ystod y cyfnod asesu, bydd y PPF yn penderfynu a all dderbyn y cynllun ai peidio.
Os yw'r cynllun a'i aelodau'n gymwys, bydd yn dechrau asesiad PPF.
Yn ystod yr amser hwnnw, bydd y PPF yn asesu lefel yr asedau o fewn y cynllun pensiwn. Byddant yn gweld a ydynt yn ddigon i alluogi cwmni yswiriant i brynu allan, ac yna talu'r buddion pensiwn ar yr un symiau â'r iawndal PPF.
Yn ystod y cyfnod asesu:
- ni ellir talu unrhyw gyfraniadau pellach ac ni dderbynnir unrhyw aelodau newydd, felly ni ellir cronni unrhyw fuddion pellach
- ni chaniateir trosglwyddo buddion o'r cynllun oni bai bod cais wedi'i wneud cyn y cyfnod asesu a bod yr ymddiriedolwyr yn cytuno i'r trosglwyddiad.
Os oes digon o asedau yn y cynllun i sicrhau prynu’r yswiriant allan, byddai'r cynllun pensiwn yn gadael y cyfnod asesu PFF.
Os nad oes digon o asedau yn y cynllun i sicrhau prynu’r yswiriant allan, byddai'r cynllun yn cael ei dderbyn i'r PPF. Byddai'r PPF yn parhau i dalu'r incwm pensiwn i aelodau ar y lefelau iawndal perthnasol.
Darganfyddwch fwy am bensiynau buddion wedi’u diffinio yn ein canllaw Cynlluniau pensiwn buddion wedi'u diffinio (neu cyflog terfynol) wedi’u hesbonio
Angen mwy o wybodaeth am bensiynau?
Ffoniwch ni am ddim ar 0800 756 1012 neu defnyddiwch ein gwe-sgwrsYn agor mewn ffenestr newydd. Bydd un o’n harbenigwyr pensiwn yn hapus i ateb eich cwestiynau.
Mae ein help yn ddiduedd ac am ddim i’w ddefnyddio, p’un ai yw hynny ar-lein neu dros y ffôn.
Oriau agor: Dydd Llun i ddydd Gwener, 9am i 5pm. Ar gau ar wyliau banc.
Faint mae'r Gronfa Diogelu Pensiwn yn ei ddiogelu?
Os yw'ch cynllun pensiwn yn gymwys, mae swm yr iawndal a gewch yn dibynnu a oeddech wedi pasio'ch oedran pensiwn arferol pan ddaeth eich cyflogwr yn fethdalwr.
Bydd unrhyw un sy'n derbyn pensiynau goroeswyr, fel gwragedd a gwŷr gweddw, plant, partner sifil hefyd fel arfer yn gymwys i gael 100% o incwm y pensiwn.
Os oeddech dros eich oedran pensiwn arferol neu'n dechrau tynnu'ch pensiwn yn gynnar oherwydd afiechyd, mae gennych hawl i dderbyn pensiwn llawn gan y PPF.
Os oeddech o dan eich oedran pensiwn arferol, mae gennych hawl i dderbyn pensiwn o 90% y swm rydych wedi'i gronni pan ddaeth eich cyflogwr yn fethdalwr. Ers Gorffennaf 2021 nid oes cap uchaf ar y swm hwn.
Bydd unrhyw iawndal a delir yn cael ei gynyddu yn unol â deddfwriaeth ac nid â rheolau blaenorol y cynllun.
Bydd cynnydd mewn iawndal PPF yn gyfyngedig i fuddion a gronnwyd o 6 Ebrill 1997 yn unig. Mae'r cynnydd mewn taliad yn unol â chwyddiant, wedi'i gapio ar uchafswm o 2.5%.
Nid yw'r PPF yn berthnasol i fuddion cynllun pensiwn gweithle cyfraniadau wedi’u diffinio (buddion prynu arian).
Y Cynllun Cymorth Ariannol (FAS)
Mae’r FAS yn cael ei rhedeg gan y PPF a sefydlwyd er mwyn amddiffyn aelodau oedd gyda budd-daliadau wedi’u diffinio lle:
- daeth y cynllun pensiwn i ben rhwng 1 Ionawr 1997 a 5 Ebrill 2005
- ni allai'r cynllun pensiwn fforddio talu'r buddion hynny a addawyd i aelodau.
Mae buddion FAS yn cael eu hystyried fel iawndal ac fe'u telir ar ffurf ychwanegiad. Nod hyn yw darparu 90% o’r pensiwn buddion wedi’u diffinio y byddent wedi’i dderbyn yn eu hoedran pensiwn arferol i aelodau. Mae hyn hyd at gap o £41,888 y flwyddyn ym mlwyddyn dreth 2023/24.
Os na allwch weithio oherwydd afiechyd, gall y FAS wneud taliadau cyn eich oedran ymddeol arferol, ond gallai fod rhai cyfyngiadau. Dim ond iawndal am gynlluniau buddion wedi’u diffinio y gall y FAS eu darparu.
