Gyda biliau cartrefi’n cynyddu, gall rheoli cyllideb gyfyng fod yn anodd. Yr hyn sy'n aml yn ein taflu oddi ar y cwrs yw'r annisgwyl, ond gall cynilo rheolaidd helpu.
Beth sydd yn y canllaw hwn
Pennu eich nod cynilo
Nid yw’n hawdd cydbwyso cyllideb gyfyng waeth beth yw eich amgylchiadau teuluol.
Felly nid yw’n syndod ei bod hawdd i syrthio i ddyled weithiau. Er enghraifft, i dalu am y Nadolig, pan yw’r peiriant golchi’n torri, neu pan yw bil y car yn uwch na’r disgwyl.
Ond mae benthyca’n golygu bod beth bynnag rydym yn ei brynu hyd yn oed yn ddrytach, tra bod ad-dalu cardiau credyd a benthyciadau ond yn ychwanegu at y straen ar y gyllideb.
Ffordd dda i helpu â threuliau annisgwyl yw roi ychydig o arian heibio bob wythnos neu bob mis er mwyn codi cronfa y gallwn ei defnyddio pan yw’r annisgwyl yn digwydd eto.
Ymunwch â’n grŵp Facebook
Ymunwch â’n grŵp preifat i gael awgrymiadau arbed arian a chefnogaeth gan gymuned o gynilwyr
Gweithio allan faint i’w gynilo bob mis
Os nad ydych yn siŵr faint gallwch fforddio ei gynilo, dechreuwch yn fach – efallai trwy roi eich newid mewn jar bob wythnos yn unig.
Os yw hynny’n gweithio, ceisiwch neilltuo ychydig yn fwy yn rheolaidd.
Byddwch yn realistig – mae’n well ymrwymo i swm llai rydych yn hyderus y gallwch ddod i ben â’i gynilo na swm uwch fydd yn eich digalonni.
Gosodwch darged i chi’ch hunan: ystyriwch gronfa argyfwng o £200.
Ar ôl i chi gyflawni honno, codwch y bar ac ewch am swm uwch.
Cyfrifiannell cynilion
Defnyddiwch ein Cyfrifiannell cynilion i weld sut gallai eich cynilion dyfu.
Pan fydd argyfwng yn codi, defnyddiwch y gronfa argyfwng, ond yna parhewch i gynilo er mwyn ei chodi eto. Mae’n syniad da i geisio cael o leiaf tri mis o dreuliau’r cartref fel cronfa argyfwng.
Darganfyddwch fwy yn ein canllaw Cynilion argyfwng – faint sy’n ddigon?
Dechrau arni â’ch cynilo
Awgrym da
Sefydlwch daliad rheolaidd (debyd uniongyrchol neu archeb sefydlog) i drosglwyddo swm penodol yn awtomatig i’ch cynilion bob mis.
Tra bydd yn iawn i ddechrau cynilo arian mewn jar, ar gyfer diogelwch, mae’n syniad da i ystyried sefydlu cyfrif cynilo.
Bydd gwneud hynny yn cadw’r arian yn ddiogel, ar gyfer argyfyngau, a lleihau’r temtasiwn i’w wario ar fympwy, a gallech hefyd ennill ychydig o log.
Mae gwefannau cymharu yn lle da i ddechrau ar gyfer unrhyw un sy’n ceisio dod o hyd i gyfrif cynilo sy’n addas i’w hanghenion.
Darganfyddwch fwy o wybodaeth yn ein canllaw Dod o hyd i’r cynigion gorau â gwefanau cymharu prisoedd
Ni fydd pob un wefan gymharu yn rhoi’r un canlyniadau i chi, felly cofiwch ddefnyddio mwy nag un wefan cyn gwneud penderfyniad.
Mae hefyd yn bwysig gwneud tipyn o waith ymchwil i mewn i’r math o gynnyrch neu nodweddion a ddymunwch cyn prynu neu newid darparwr.
Mae’r gwefannau canlynol yn lle da i ddechrau â chwilio am gyfrif cynilo:
Which?
MoneySavingExpert
Help gyda chostau byw
Poeni am arian oherwydd rhenti cynyddol, biliau ynni uchel neu ddyled? Os felly, rydym yma i helpu.
Cymerwch y camau cyntaf i ddod o hyd i'ch ffordd ymlaen gyda'n canllawiau i'ch helpu gyda chostau byw.
Gwylio eich cynilion yn tyfu
Gwiriwch eich cynydd bob ychydig o fisoedd.
Adolygwch eich cyfrif cynilo o leiaf unwaith y flwyddyn i wirio eich bod yn cael y gyfradd llog gorau.
Gwnewch yn siwr eich bod yn defnyddio eich lwfans ISA arian parod blynyddol fel nad ydych yn talu treth diangen.
Mae nifer o gyfrifon ISA yn eich temtio â bonws ar gyfer y misoedd neu flwyddyn gyntaf, ond wedyn yn mynd yn ôl i gyfraddau isel iawn.
Beth i’w wneud
- Paratowch ar gyfer yr annisgwyl – mae’n digwydd trwy’r amser.
- Agorwch gyfrif cynilo os nad oes gennych gyfrif eisoes – ewch ar-lein neu ewch i’ch banc neu gymdeithas adeiladu.
Cynlluniwr Cyllideb
I’ch helpu i reoli eich arian, defnyddiwch ein Cynlluniwr Cyllideb hawdd i’w ddefnyddio, rhad ac am ddim.
