Sut i arbed arian ar filiau cartref

Mae llawer o gyflenwyr i’w cael ac mae'n hawdd torri eich biliau ffôn a band eang misol.

Dechreuwch trwy ddilyn yr awgrymiadau syml hyn:

• Gofynnwch i’ch cyflenwr am bris gwell
• Defnyddiwch wefannau cymharu prisiau i ddod o hyd i fargen ratach
• Parwch eich contract â'ch ffordd o fyw - er enghraifft, os ydych yn defnyddio llawer o ddata a chodir tâl ychwanegol arnoch pan fyddwch yn mynd drosodd, gallai cynnig â mwy o ddata fod yn rhatach.

Yn y rhan fwyaf o achosion, bydd angen llinell dir arnoch i gael band eang.

Ystyriwch eich costau llinell dir wrth edrych ar gostau band eang - gan fod nifer o fargeinion sy’n ymddangos yn rhad yn gwneud i chi gymryd rhent llinell ddrud.

Mae gan MoneySavingExpert ragor o awgrymiadau ar sut i arbed arian ar fargeinion ffôn a band eang.Yn agor mewn ffenestr newyddYn agor mewn ffenestr newydd

Ni fu erioed yn haws i newid eich darparwr ffôn cartref a band eang. A gallwch arbed cannoedd o bunnoedd i’ch hun ar eich biliau.

Dyma rhai awgrymiadau:

• Defnyddiwch fwy nag un wefan cymharu. Nid ydynt i gyd yn dangos yr un bargeinion a darparwyr, felly'r mwy rydych yn gwirio, y mwy tebygol rydych o ddod o hyd i fargen ratach.
• Edrychwch ar y costau misol a blynyddol yn y manylion. Gwybod beth rydych yn ei brynu, er mwyn osgoi unrhyw syndod annisgwyl pan ddaw’ch bil.
• Cadwch lygaid allan am gynnyrch hyrwyddedig. Mae nifer o wefannau cymharu yn cymryd comisiwn pan rydych yn newid trwyddynt, sy’n golygu efallai y byddent yn eich annog i ddewis un cynnyrch dros un arall, hyd yn oed os nid hynny yw’r fargen orau.
• Darganfyddwch a ydych yn gymwys am dariffau cymdeithasol. Efallai y gallwch gael band eang a gwasanaethau ffôn rhatach os ydych yn cael budd-daliadau penodol
• Darganfyddwch pa ddarparwr yw’r gorau. Mae gan Ofcom y graddfeydd boddhad cwsmeriaid diweddaraf ar gyfer darparwyr mawr
• Cyn gadael contract yn gynnar, darganfyddwch a oes ffi am wneud hynny. Os oes, gwnewch yn siwr ei gynnwys wrth gymharu costau. Dylai'r arian a arbedwch gyda chontract newydd fod yn fwy na'r hyn y mae'n ei gostio i ddod â'ch un presennol i ben.

A yw eich contract ffôn symudol yn dod i ben? A ydych yn ceisio dod o hyd i'r ffordd rataf o gael y ffôn ddiweddaraf?

Dyma ychydig o awgrymiadau i gadw'ch biliau'n isel:

• Defnyddiwch offer ar-lein i ddadansoddi'ch biliau ac argymell contract
• Trafodwch gyda chyflenwyr - cofiwch mai chi sydd wrth y llyw
• Defnyddiwch wefannau cymharu prisiau i ddod o hyd i'r cynnig gorau i chi.

Darganfyddwch fwy yn ein canllaw Sut i arbed arian ar eich ffôn symudol. I’ch helpu i reoli eich arian, rhowch gynnig ar ein Cynlluniwr Cyllideb hawdd ei ddefnyddio am ddim.

Mae'r bil dŵr blynyddol ar gyfartaledd am 2023 yng Nghymru a Lloegr yn £448, yn ôl Water UK. Ac er na allwch newid cyflenwr dŵr, mae yna ffyrdd o arbed arian ar filiau.

Er enghraifft, gallech:

• osod mesurydd dŵr am ddim
• cael llai o faths a newid i gawodydd
• newid i ben cawod mwy effeithlon.

Darganfyddwch fwy yn ein canllaw Sut i arbed arian ar filiau dŵr.

Mae prisiau ynni’n uchel iawn. Ar hyn o bryd, mae’n debygol cyfradd tariff diofyn safonol eich darparwr yw’r gyfradd rataf sydd ar gael. Sicrhewch eich bod yn cadw llygaid ar brisiau a byddwch yn barod i newid i fargen well cyn gynted â phosibl os yw’n bosibl gwneud hynny.

Mae yna hefyd sawl cynllun y gallwch wneud cais iddynt a all eich helpu i dorri biliau.

Mae’r cynllun Gostyngiad Cartref CynnesYn agor mewn ffenestr newydd yn cynnig cartrefi incwm isel gostyngiad o £150 i helpu gyda biliau ynni. Mae’r cynllun ar agor am geisiadau rhwng mis Hydref a mis Mawrth pob blwyddyn, bydd angen i chi wneud cais yn uniongyrchol i’ch darparwr ynni.

Mae’r ymgyrch Help for Households yn rhoi manylion o gefnogaeth y llywodraeth i’ch helpu gyda biliau a chostau byw.Yn agor mewn ffenestr newydd

Os ydych yn cael trafferth talu eich biliau ynni y gaeaf hwn (2023-24), efallai y bydd gennych hawl i gael cymorth ychwanegol. Y rhain tw:

• Taliad Tanwydd GaeafYn agor mewn ffenestr newydd rhwng £100 a £300 os ydych wedi cyrraedd oedran Pensiwn y Wladwriaeth. Dylai hwn gael ei dalu i chi yn awtomatig o fis Tachwedd bob blwyddyn
• Taliad Costau Byw Pensiynwr o £300 i gartrefi sy'n derbyn y Taliad Tanwydd Gaeaf. Mae hyn yn ychwanegiad i'ch Taliad Tanwydd GaeafYn agor mewn ffenestr newydd ym mis Tachwedd
  
• Taliad Costau Byw o £900 i gartrefi ar fudd-daliadau prawf modd, fel Credyd Pensiwn a Chredyd Cynhwysol
  
• Taliad Costau Byw Anabledd o £150 i'r rhai sy'n derbyn budd-daliadau anabledd, fel Lwfans Gweini.

Am fwy o gymorth ariannol a ffyrdd o wneud eich cartref yn fwy effeithlon o ran ynni, gweler ein canllaw Sut i leihau eich biliau ynni.

Yn ôl MoneySavingExpert, mae hyd at 400,000 o gartrefi yn y band Treth Cyngor anghywir. Felly, mae’n werth sicrhau nad ydych yn gordalu.

Ni ddylai gymryd mwy na deg munud i ddarganfod. Ac efallai gallwch arbed cannoedd o bunnoedd a chael ad-daliad.

Os ydych yn cael budd-daliadau penodol, efallai byddwch yn gymwys i gael Gostyngiad Treth Cyngor.

Hefyd gwiriwch a ydych yn gymwys am ostyngiad o hyd at 50% o’ch bil Treth Cyngor, os ydych:

• yn byw ar eich pen eich hun
• ond yn byw gyda phlant o dan 18 oed, neu 
• mae gennych amgylchiadau arbennig eraill.

Darganfyddwch fwy yn ein canllaw Treth Cyngor: beth ydyw, beth yw’r gost a sut i arbed arian.

P'un a ydych yn gyrru, neu'n defnyddio trafnidiaeth gyhoeddus, mae'n debyg bod costau teithio yn cyfrif am lawer o'ch gwariant misol.

Fodd bynnag, mae digon o ffyrdd o dorri costau teithio. Mae'r rhain yn cynnwys:

• dod o hyd i yswiriant car rhatach
• prynu tanwydd rhatach
• archebu tocynnau trên ymlaen llaw.

Darganfyddwch fwy yn ein canllaw Cwtogi ar gostau car a theithio.

Gall ffioedd talu hwyr ddileu arbedion, felly mae'n bwysig sicrhau eich bod yn talu'ch biliau mewn pryd.

Dyma rai awgrymiadau i helpu i aros ar ben eich biliau:

• talu am filiau rheolaidd yn fisol trwy Debyd Uniongyrchol.
• siarad â'r bobl y mae arnoch arian iddynt os ydych yn cael trafferth.
  

Os ydych yn wynebu costau byw uwch, darganfyddwch am ffynonellau incwm a chefnogaeth ychwanegol yn ein hadran Help gyda chostau byw.

Darganfyddwch fwy yn ein canllawiau:

• Canllaw i fancio ar-lein
• Rheoli eich arian.