A ddylwn i sefydlogi fy mhrisiau ynni?
Wedi’i ddiweddaru diwethaf:
1 Ebrill 2025
Nid yw newid i dariff cyfradd sefydlog neu newid darparwyr am fargen well ar eich ynni wedi bod yn opsiwn am ychydig. Fodd bynnag, mae prisiau nwy a thrydan yn gostwng, felly pryd yw’r amser cywir i sefydlogi?
Beth yw’rbargeinion ynni gorau?
Mae cap ar brisiau Ofgem bellach yn £1,849 y flwyddyn. Bydd hyn yn newid ar 1 Gorffennaf 2025.
Mae cytundebau sefydlog ar gael am lai na’r cap ar brisiau, ac mae’r rhain nawr ar gael i gwsmeriaid newydd a phresennol. Cadwch lygad am lythyrau ac e-byst gan eich cyflenwr i ddarganfod a oes unrhyw gytundebau y gallwch gofrestru amdanynt.
Pryd mae prisiau ynni yn gostwng?
Mae cap pris Ofgem yn cael ei gyfrifo ar sail faint mae'n ei gostio i brynu nwy a thrydan ar y farchnad gyfanwerthu. Mae'r cap pris yn newid bob tri mis, ar ddechrau Ionawr, Ebrill, Gorffennaf a Hydref. Ofgem yn cyhoeddi beth fydd y cap pris tua mis cyn iddo newid.
Rydw i wedicael cynnig bargen gyfradd sefydlog fel cwsmer presennol, a ddylwn i gofrestruamdano?
Mae’n anodd cyllidebu ar gyfer costau byw bob dydd pan nad ydych yn gwybod pa olwg fydd ar eich biliau mewn chwe mis. Gall sefydlogi eich biliau ynni eich helpu i wybod beth i’w ddisgwyl bob mis.
Efallai na fydd dyfynbris eich cyflenwr yn rhoi’r gost flynyddol ar gyfer cartref arferol, gallai fod yn seiliedig ar eich defnydd. Defnyddiwch gyfradd uned y cap ar brisiau a’r gost sefydlog isod i gymharu â’r hyn y mae eich cyflenwr wedi’i gynnig.
|
Pris uned ynni ar gyfer Cap Prisiau o 1 Ebrill 2025 |
|
|
Trydan |
£0.27 fesul KWh Cost sefydlog ddyddiol: £0.54 |
|
Nwy |
£0.07 fesul KWh Cost sefydlog ddyddiol: £0.33 |
Ffynhonnell: OfgemOpens in a new window
Chi sydd i benderfynu a yw gwybod beth fydd eich biliau bob mis yn werth y risg y bydd prisiau ynni yn gostwng yn ystod eich contract, a gallech chi dalu gormod drwy symud ymlaen i gytundeb sefydlog.
Cynlluniwr cyllideb
I’ch helpu i reoli’ch arian, rhowch gynnig ar ein Cynlluniwr cyllideb rhad ac am ddim sy’n hawdd ei ddefnyddio.
A allaf newid fy nghyflenwr ynni?
Yn ddiweddar, mae sawl cyflenwr ynni wedi dechrau cynnig cytundebau sefydlog o tua’r un lefel â’r cap ar brisiau neu ychydig yn is. Mae’r cytundebau hyn ar gael i gwsmeriaid newydd a phresennol, felly gallai fod yn syniad da os oeddech yn ystyried newid cyflenwr.
Gweler ein canllaw ar wefannau cymharu am fwy o wybodaeth.
Sut fedrai arbed arian ar fy miliau ynni?
Er efallai na fyddwch yn gallu lleihau’n sylweddol y swm y byddwch yn ei dalu fesul uned o nwy neu drydan, os gallwch ddefnyddio llai, yna bydd eich biliau’n gostwng.
Mae gan ein herthygl Sut i leihau eich biliau ynni llawer o syniadau ar sut i dorri yn ôl ar eich defnydd ynni
Gallai gwneud eich cartref yn fwy effeithlon o ran ynni eich helpu i wneud arbedion tymor hir. Mae gan ein canllaw am dalu am welliannau cartref wybodaeth am grantiau a benthyciadau y gallwch eu defnyddio am bethau fel gwell inswleiddio neu foeler mwy effeithlon.
