Creu dolenni i gynnwys HelpwrArian

Am y daith ar-lein orau i'ch defnyddwyr, rydym yn argymell creu dolenni i dudalennau penodol ar wefan HelpwrArian yn hytrach nag i'r hafan. Mae hyn yn golygu y bydd defnyddiwr yn mynd yn syth at y wybodaeth gywir, yn lle gorfod chwilio i ddod o hyd iddi.

Rydym hefyd yn argymell defnyddio ‘testun angor’ perthnasol ar gyfer y ddolen. Y testun angor yw testun y hyperddolen. Mae hyn yn dweud ychydig mwy wrth ddarllenwyr am ble maent yn mynd, ond mae hefyd yn helpu i wneud y gorau o chwilotwyr.

Er enghraifft:

I weithio allan faint gallwch ei fenthyca, rhowch gynnig ar gyfrifianell morgais HelpwrArian

neu

Mae gan HelpwrArian ganllaw defnyddiol ar sut i chwilio o gwmpas am flwydd-dal

Yn lle:

Clicio yma am fwy o wybodaeth.

Os ydych yn gwmni benthyciadau Diwrnod Cyflog ac yn ychwanegu dolen i'ch gwefan yn unol â rheoliadau'r FCA, ychwanegwch ddolen i'r URL hwn ym mhob achos: www.moneyhelper.org.uk

Mae hyn yn cynnwys y ddolen ar ddiwedd y rhybudd risg, a ddylai ddarllen:

Rhybudd: Gall ad-daliad hwyr achosi problemau ariannol difrifol i chi. Am help, ewch i www.moneyhelper.org.uk.

Gallwch lawrlwytho ein pecyn cymorth brandio (PDF, 16.6MB) i gyrchu a lawrlwytho ein logo ac asedau brandio eraill mewn amrywiaeth o fformatau ffeiliau, y gallwch eu defnyddio fel ffordd weledol o gysylltu â ni.

Gallwch ofyn am hyn trwy ein system Rheoli Asedau Brandio.

Mae rhaid i chi beidio â defnyddio logo HelpwrArian yn y fath fodd fel ei fod yn ymddangos ei fod yn cymeradwyo cynhyrchion neu wasanaethau.

Trwy lawrlwytho a defnyddio ein logo rydych yn cadw at y telerau ac amodau a amlinellir ar ein gwefan.

Os ydych yn bwriadu creu dolen i unrhyw gynnwys HelpwrArian o e-bost neu'ch mewnrwyd, gallwn roi dolen wedi ei haddasu i chi a fydd yn caniatáu i ni fonitro faint o'ch defnyddwyr sy'n ymweld â ni o'ch cyfathrebiadau.

Byddwn hefyd yn hapus i rannu'r wybodaeth hon â'ch sefydliad at eich dibenion eich hun.