Sut i bennu nod cynilo

I ddechrau, mae angen i chi benderfynu beth hoffech gynilo ar ei gyfer? Os bennwch nod, byddwch yn ei gyrraedd yn gyflymach. Os ydych yn cynilo am y tro cyntaf, beth am ddechrau â nod bach.

Hyd yn oed os nad ydych yn cynilo at nod penodol, rydych yn fwy tebygol o lwyddo os byddwch yn anelu at swm penodol.

Mae faint rydych yn ei gynilo yn dibynnu ar:

• pa mor uchel yw'ch nod
• faint o arian sbâr sydd gennych ar ddiwedd pob mis, a
• a pha mor fuan rydych am gyrraedd eich nod.

Er enghraifft, os oeddech yn cynilo tuag at gronfa argyfwng o £400. Gallech gynilo £100 y mis am 4 mis, neu £50 y mis am 8 mis.

Mae'n gydbwysedd rhwng yr hyn y gallwch ei fforddio a pha mor hir rydych am gynilo.

Os dewiswch roi eich cynilion mewn cyfrif cynilo mynediad ar unwaith, ni ddylai fod unrhyw gyfyngiadau ar sut rydych yn cael codi’ch arian o’r cyfrif. Sefydlwch daliad rheolaidd heddiw i drosglwyddo'r swm rydych am ei gynilo i'ch cyfrif cynilo bob mis.

• Agor cyfrif cynilo os nad oes gennych gyfrif eisoes – ewch ar-lein neu ewch i’ch banc.
• Trefnu taliad rheolaidd i mewn i’ch cyfrif cynilo bob mis

Unwaith y byddwch wedi dechrau arni, rhowch gyfle i’ch cynilion dyfu’n gyflymach drwy dreulio rhywfaint o amser yn chwilio am gartref addas ar eu cyfer.

Bydd y cartref gorau yn dibynnu ar faint o amser sydd gennych i gyrraedd eich nod, a faint o risg rydych yn barod i'w chymryd:

• Am nod byrdymor (hyd at bum mlynedd) byddwch am gael cynnyrch cynilo fel cyfrif cynilo, adnau tymor neu ISA arian parod.
• Am nod tymor canolig (pump i ddeng mlynedd) defnyddiwch gynnyrch cynilo, neu ystyriwch fuddsoddiadau gan ddibynnu ar eich nodau a’ch parodrwydd i gymryd risg.
• Am nod hirdymor, dylech ystyried buddsoddiadau fel cyfranddaliadau, bondiau neu gronfeydd sy’n tueddu i ddarparu diogelwch rhag chwyddiant yn yr hirdymor.

Mae gwefannau cymharu yn lle da i ddechrau i unrhyw un sy’n ceisio dod o hyd i gyfrif cynilo addas.

Mae'r gwefannau hyn yn lle da i ddechrau pan rydych yn chwilio am gyfrif cynilo:

• Which?
• MoneySavingExpert

Ond byddwch yn wyliadwrus, ni fydd pob gwefan gymharu yn rhoi’r un canlyniadau i chi. Felly cofiwch ddefnyddio mwy nag un wefan cyn gwneud penderfyniad.

Mae’n bwysig hefyd gwneud tipyn o waith ymchwil i mewn i’r math o gynnyrch neu nodweddion a ddymunwch cyn prynu neu newid darparwr.