Pwy ydym ni

Mae HelpwrArian yma i helpu, er mwyn i chi symud ymlaen â bywyd. Yma i dorri trwy'r jargon a'r cymhlethdod, egluro beth rydych angen ei wneud a sut y gallwch ei wneud. Yma i'ch rhoi mewn rheolaeth, â chymorth diduedd am ddim sy'n gyflym i'w ddarganfod, yn hawdd ei ddefnyddio ac yn cael ei gefnogi gan y llywodraeth.

Beth bynnag fo'ch amgylchiadau neu'ch cynlluniau, mae HelpwrArian ar eich ochr. Ar-lein, dros y ffôn neu wyneb yn wyneb, rydym yma i roi arweiniad clir i chi ar arian a phensiynau. Gallwn hefyd eich cyfeirio at wasanaethau dibynadwy, os ydych angen mwy o gymorth.

Yn agored i bawb, mae HelpwrArian yn helpu pobl i glirio eu dyledion, lleihau gwariant a gwneud y gorau o'u hincwm. Er mwyn cefnogi anwyliaid, cynlluniwch ymlaen llaw ar gyfer pryniannau mawr a darganfod am hawliau. I adeiladu cynilion a phensiynau, a gwybod eu hopsiynau.

Am yr help am arian mewn un lle, sydd am ddim i'w ddefnyddio, chwiliwch am HelpwrArian.

Mae HelpwrArian yn wasanaeth am ddim sy’n cael ei ddarparu gan Wasanaeth Arian a Phensiynau.

Mae Gwasanaeth Arian a Phensiynau yn gorff hyd braich, a noddir gan Adran Gwaith a Phensiynau. Mae ganddo ymrwymiad ar y cyd i sicrhau bod gan bobl ledled y DU arweiniad a mynediad at y wybodaeth maent ei angen i wneud penderfyniadau ariannol effeithiol dros eu hoes.

Mae'n cael ei ariannu gan ardollau ar y diwydiant gwasanaethau ariannol a chynlluniau pensiwn.

Mae HelpwrArian yn dwyn cymorth a gwasanaethau tri darparwr arweiniad ariannol a gefnogir gan y llywodraeth: Gwasanaeth Cynghori Ariannol, Y Gwasanaeth Cynghori ar Bensiynau a Pension Wise.

Mae’n gwneud dod o hyd i’r help cywir yn gyflymach ac yn haws.

O 7 Mehefin, ni yw eich HelpwrArian.

I gael mwy o wybodaeth ar sut y gallwn eich cefnogi i feithrin lles ariannol yn eich gweithleYn agor mewn ffenestr newydd, ewch i wefan MaPS neu cysylltwch â'n Tîm PartneriaethauYn agor mewn ffenestr newydd ag unrhyw ymholiadau neu geisiadau.