Ymunwch â'n grŵp costau byw Facebook
Rydym wedi sefydlu grŵp Facebook Costau BywYn agor mewn ffenestr newydd fel lle i rannu syniadau ac ysbrydoliaeth am sut i dalu'r biliau a chael help.
Canllaw i Daliadau Costau Byw DWP 2023-24
Wedi’i ddiweddaru diwethaf:
13 Rhagfyr 2023
Mae'r llywodraeth yn gwneud taliadau i rai cartrefi i helpu gyda'r prisiau ynni uchel a'r costau byw hanfodol. Mae'n werth darganfod a ydych yn gymwys ar gyfer y Taliadau Costau Byw hyn a'r hyn y gallech ei gael.
Beth yw Taliadau Costau Byw
Er mwyn eich helpu i fforddio biliau bwyd a chadw'r goleuadau ymlaen wrth i brisiau barhau i godi, mae'r llywodraeth yn gwneud taliadau uniongyrchol i filiynau o gyfrifon pobl.
Os ydych ar incwm isel ac ar fudd-daliadau prawf modd, rhoddir yr arian yn awtomatig yn eich cyfrif banc, cymdeithas adeiladu neu undeb credyd.
Bydd rhai pobl ar fudd-daliadau prawf modd yn derbyn taliadau hyd at £900, a delir mewn tri rhandaliad yn y gwanwyn, yr hydref a gwanwyn 2024.
Efallai y byddwch hefyd yn gymwys ar gyfer:
- £300 os ydych yn cael Pensiwn y Wladwriaeth ar ben eich Taliad Tanwydd Gaeaf arferol.
- £150 i bobl ar rai budd-daliadau anabledd a delir yn yr haf.
Pwy sy'n gymwys i gael Taliadau Costau Byw 2023
Efallai y bydd gennych hawl i hyd at dri Thaliad Costau Byw os ydych yn cael unrhyw un o'r budd-daliadau neu'r credydau treth canlynol:
- Lwfans Ceisio Gwaith yn seiliedig ar incwm (JSA)
- Lwfans Cyflogaeth a Chymorth yn seiliedig ar incwm (ESA)
- Cymhorthdal Incwm
- Credyd Pensiwn
- Credyd Cynhwysol
- Credyd Treth Plant
- Credyd Treth Gwaith.
Dyddiadau allweddol ar gyfer Taliadau Costau Byw 2023
Bydd y rhan fwyaf o bobl sydd â hawl i gael y taliad yn cael:
- £301 wedi’i dalu rhwng 25 Ebrill 2023 a 17 Mai 2023 os ydych ar fudd-daliadau DWP
- £301 wedi’i dalu rhwng 2 a 9 Mai 2023 os ydych yn cael credydau treth yn unig
- £300 wedi'i dalu rhwng 31 Hydref a 19 Tachwedd os ydych yn cael budd-daliadau DWP
- £300 wedi'i dalu rhwng 10 a 19 Tachwedd os mai dim ond credydau treth a gewch
- £299 wedi’i dalu rhwng 6 a 22 Chwefror 2024 os ydych ar fudd-daliadau’r DWP
- £299 wedi’i dalu rhwng 16 a 22 Chwefror 2024 os ydych yn cael credydau treth.
Pethau eraill i ofalu amdanynt
Os ydych yn cael Credyd Treth Plant a Chredyd Treth Gwaith, byddwch yn derbyn Taliad Costau Byw am Gredyd Treth Plant yn unig, a fydd yn cael ei dalu gan CThEF.
Os ydych yn cael credydau treth gan CThEF a budd-dal incwm isel gan DWP, ni allwch gael Taliad Costau Byw gan CThEF a'r DWP. Fel arfer byddwch yn cael eich talu gan DWP yn unig.
Gwiriwch eich hawliau
Os ydych yn cael trafferth gyda chostau byw ac ar incwm isel, mae'n werth gwirio nad ydych yn colli allan ar unrhyw fudd-daliadau sy'n gymwys ar gyfer Taliadau Costau Byw gan y gellir eu hôl-ddyddio.
Defnyddiwch ein Cyfrifiannell Budd-daliadau i gyfrifo'n gyflym beth allech chi ei hawlio.
