Peidiwch â thalu am gostau gofal cyn gweld a allwch hawlio ar bolisi yswiriant sy’n bodoli eisoes. Os ydych wedi cymryd yswiriant iechyd o’r blaen, gallai fod yn ddefnyddiol nawr.
Beth sydd yn y canllaw hwn
Chwiliwch am bolisïau yswiriant
Meddyliwch yn ofalus. A allai fod gennych chi neu rywun rydych yn gofalu amdanynt unrhyw un o’r canlynol:
- Yswiriant bywyd sydd â gwerth i’w gyfnewid am arian, neu a fydd yn talu allan ar ôl cael diagnosis o salwch terfynol – cyn belled â nad oes angen y talu allan yn ddiweddarach ar eich partner neu ddibynyddion eraill.
- Yswiriant bywyd â sicrwydd salwch critigol, neu bolisi salwch critigol annibynnol, a allai gwmpasu’r cyflwr neu’r anabledd sydd gennych nawr. Gall hwn fod yn bolisi y gwnaethoch ei gymryd â morgais neu bolisi ar wahân.
- Polisi yswiriant gofal tymor hir. Er mai ychydig iawn sydd ar gael y dyddiau hyn ac maent yn gostus, roeddent yn boblogaidd – felly efallai bod gennych bolisi neu opsiwn neu fuddion gofal tymor hir o fewn polisi yswiriant bywyd o hyd.
- Buddion ar gael trwy’ch cyflogwr (os ydych yn gweithio). Gallai hyn gynnwys, er enghraifft, incwm neu bensiwn cynnar ar gyfer afiechyd neu lwmp swm ar gyfer salwch terfynol.
- Polisi amddiffyn incwm a drefnwyd i chi’ch hun a fydd yn talu incwm os na allwch weithio oherwydd salwch. Fel arfer, mae’r incwm yn stopio pan gyrhaeddwch ymddeoliad.
Sut rwy’n hawlio
Darganfyddwch cyn gymaint ag y gallwch o’r gwaith papur gwreiddiol sy’n berthnasol i’r polisi yswiriant.
Os prynwyd y polisi drwy frocer, cysylltwch â hwy’n gyntaf. Mae’n bosibl y byddant yn gallu’ch helpu neu reoli’r cais ar eich rhan.
Beth os nad oes gennyf yswiriant?
Os nad oes gennych unrhyw bolisïau yswiriant sy’n eich diogelu, a bod angen i chi dalu am rywfaint neu’r cyfan o’ch costau gofal eich hun, mae dewisiadau eraill i chi eu hystyried
